Cyfathrebwr

Mae Cyfathrebwyr yn staff heddlu mewn lifrai yn ein Canolfan Gyfathrebu ar y Cyd yn Llanelwy. Gan gwmpasu Gogledd Cymru i gyd, nhw ydy'r pwynt cyswllt cyntaf ar gyfer aelodau o'r cyhoedd sydd angen yr heddlu.

Beth mae Cyfathrebwr yn ei wneud?

Mae rôl Cyfathrebwr yn heriol ond yn werth chweil lle bydd gofyn i chi ateb galwadau gan y cyhoedd, yn aml mewn sefyllfaoedd argyfyngus a dirdynnol. Byddwch yn asesu'r galwadau hynny a bod yn gyfrifol am gyfeirio'r lefel ymateb heddlu sydd ei angen, gan anfon adnoddau amrywiol i unrhyw ddigwyddiad sydd angen presenoldeb yr heddlu.

Mae bod yn Gyfathrebwr yn fwy nag ateb galwadau'n unig. Mae ynghylch cael a darparu gwybodaeth gywir er mwyn sicrhau y gwneir y penderfyniadau iawn er mwyn cynorthwyo a chadw pobl yn ddiogel. ⁠Ynghyd â galwadau 999 brys, byddwch hefyd yn gyfrifol am ymdrin â galwadau difrys (10), a chyfathrebu digidol fel sgyrsiau gwe byw ac ymholiadau e-bost.

Mae'r rôl yn hyfforddiant gwych o ran ymgyrchoedd Heddlu Gogledd Cymru, felly mae'n gyfle delfrydol i bobl sy'n dymuno datblygu gyrfa o fewn plismona. Bydd rhaid i chi wasanaethu o leiaf dwy flynedd fel Cyfathrebwr cyn ymgeisio am swydd fel Cwnstabl Heddlu neu unrhyw rôl arall o fewn y sefydliad.

Ydy Cyfathrebwyr yn gweithio sifftiau?

Ydyn. Mae Cyfathrebwyr yn gweithio ar batrwm sifft sy'n cylchdroi, sy'n cynnwys gweithio weithiau ar benwythnosau, gwyliau banc a gyda'r nosau. Maent yn derbyn 20% o lwfans gweithio sifft a 14.14% o lwfans gweithio penwythnosau.

Mae Cyfathrebwyr yn gweithio fel rhan o rota sifftiau. Byddant wedi'u cynllunio 32 wythnos o flaen llaw os ydych yn weithiwr llawn amser. Byddant wedi'u cynllunio 64 wythnos o flaen llaw os ydych yn weithiwr rhan amser. Bydd hyn yn rhoi digon o amser i gynllunio eich calendr o flaen llaw er mwyn cyd-fynd gyda'ch bywyd personol a'ch proffesiwn.

A oes angen i Gyfathrebwyr siarad Cymraeg?

Oes. Fel heddlu dwyieithog, mae pob rôl o fewn Heddlu Gogledd Cymru angen lefel o sgiliau Cymraeg, fel y manylir yn y proffil swydd. 

Mae sgiliau Cymraeg Lefel 4 yn hanfodol ar gyfer bod yn Gyfathrebwr. Byddwch angen gallu cyfathrebu'n llawn yn Gymraeg gyda phobl sy'n ffonio Heddlu Gogledd Cymru ar linellau brys a difrys. 

Mae hyn yn golygu eich bod angen gallu deall siaradwyr Cymraeg sy'n mynegi eu hunain yn Gymraeg a defnyddio Cymraeg bob dydd yn hyderus er mwyn ymateb i'w hymholiadau neu bryderon. Gallwch droi i'r Saesneg wrth ymdrin â sefyllfaoedd neu derminoleg cymhleth. Nid oes angen i chi allu ysgrifennu yn Gymraeg.

Fel rhan o'r broses ymgeisio, cewch eich asesu ar eich gallu Cymraeg llafar. Byddwch yn derbyn cymorth a hyfforddiant gan yr heddlu er mwyn eich cynorthwyo chi gyflawni'r lefel angenrheidiol. 

Gall fod achlysuron lle rydym yn newid y lefel sgiliau angenrheidiol i 3 – manylir hyn ar y proffil swydd ac unrhyw hysbysebu. 

A oes angen i mi allu gyrru?

Nid ydych angen trwydded yrru er mwyn ymgeisio am y rôl. Ond fe ddylech ystyried eich bod angen teithio i/o'ch gweithle (sydd ym mharc busnes Llanelwy) ) a'ch amseroedd dyletswydd gan y byddwch yn gweithio sifftiau. • Efallai cynhelir hyfforddiant ym Mhencadlys Bae Colwyn.

Pa gymwysterau wyf eu hangen?

• NVQ lefel 3 neu gymhwyster cyfatebol mewn maes Cyfathrebu/Busnes/Cwsmeriaid, neu brofiad perthnasol cyfatebol
• Gallu teipio/prosesu 25-30 gair y funud
• Sgiliau cyfathrebu gwych gyda'r gallu i weithio'n dda mewn tîm neu o'ch pen a'ch pastwn eich hun
• Sgiliau TG canolradd ac yn gyfarwydd gyda systemau Windows
• Sgiliau datrys problemau da
• Dim cynhyrfu mewn sefyllfaoedd dirdynnol
• Gwybodaeth ddaearyddol dda am Ogledd Cymru

Pa hyfforddiant fyddai'n ei gael?

Er mwyn dod yn Gyfathrebwr, byddwch yn mynd drwy ddeg wythnos o hyfforddiant dwys er mwyn eich paratoi chi ar gyfer y rôl unigryw hon. Bydd yr hyfforddiant yn mynd o sesiwn gynefino sylfaenol i HGC i wybodaeth fanwl o'r systemau technoleg gwybodaeth a'r gweithdrefnau unigryw i'r rôl. 

Mae hyfforddiant yn ddwys ac yn werthfawr a bydd yn ymgorffori'r gyfraith, gwasanaeth cwsmeriaid, amrywiaeth, gwneud penderfyniadau a dulliau radio. Wedi cwblhau'r cwrs, byddwch yn treulio pythefnos gyda mentor ac yna'n ymuno â'ch tîm dynodedig, lle byddwch yn derbyn cymorth parhaus er mwyn cynorthwyo eich datblygiad.

Beth ydy manteision gweithio fel Cyfathrebwr yn Heddlu Gogledd Cymru?

Fel aelod o staff yr heddlu, byddwch yn mwynhau’r manteision hyn: 

• O leiaf 25 diwrnod o wyliau’n flynyddol (pro rata i swyddi rhan-amser)
• Gwyliau’r Banc wedi’i dalu
• Cyfleon gwaith hyblyg
• Hawliau cyfnod mamolaeth/tadolaeth/mabwysiadu hael
• Darpariaeth salwch hael
• Defnydd o gampfa yn y man-gwaith a dosbarthiadau ffitrwydd.
• Opsiwn i fod yn aelod o Unsain, undeb y gwasanaethau cyhoeddus
• Gostyngiadau gan sawl adwerthwr drwy’r cynllun Blue Light

 

---

A ydych chi yn gymwys?

Mae gofynion cymhwysol yr heddlu yn rhai manwl iawn. Nid ydym eisiau i chi dreulio amser yn llenwi’r ffurflen dim ond i chi ddarganfod ein bod ni yn methu eich derbyn chi! Atebwch y cwestiynau hyn i weld os ydych yn gymwys...