Amrywiaeth

Rydym yn #untîm

Rydym o’r farn bod pobl yn perfformio’n well os allan’ nhw fod yn nhw’u hunain yn y gwaith.

Ein nod yw sicrhau bod ein holl weithwyr yn teimlo’n gyfforddus yn y gweithle, waeth beth yw eu hanabledd, ethnigrwydd, rhyw neu gyfeiriadedd rhywiol.

Rhwydweithiau Cymorth Staff

Cymdeithas Heddlu Du ac Asiaidd

Mae Cymdeithas Heddlu Du ac Asiaidd (BAPA) HGC yn rhwydwaith sy'n cynorthwyo Swyddogion Heddlu, SCCH, Staff yr Heddlu, Swyddogion Gwirfoddol a Gwirfoddolwyr o leiafrifoedd ethnig o bob rheng a gradd ledled yr Heddlu. Mae ganddi sawl nod, o wella amgylchfyd gwaith staff Du, Asiaidd a Lleiafrifoedd Ethnig (BAME) o fewn HGC, i gynorthwyo'r Heddlu wrth gyflawni gwasanaethau i bob rhan o'r gymuned. Mae'n gweithio'n galed i ddarparu presenoldeb gweladwy ac yn llais i holl bobl o leiafrifoedd ethnig yn ein gweithle.

Rhwydwaith Cynorthwyo Anabledd

Mae’r Rhwydwaith Cymorth Anableddau yn ceisio cynorthwyo holl bobl anabl, boed yn weithwyr neu'n wirfoddolwyr o fewn HGC. Mae hefyd yn ymestyn y cymorth hwn i holl weithwyr a gwirfoddolwyr sy'n gofalu am bobl anabl. Mae'r Rhwydwaith Cymorth Anableddau yn gweithredu fel rhwydwaith cymorth anffurfiol i unigolion. Mae'n weithgar wrth godi ymwybyddiaeth am faterion a phryderon anabledd. Mae'n cynrychioli ei aelodau mewn grwpiau strategol allweddol.

Rhwydwaith Cydraddoldeb Rhywedd

Wedi'i lansio'n wreiddiol yn 2003 fel Cymdeithas Merched Heddlu Gogledd Cymru, mae'r Rhwydwaith Cydraddoldeb Rhywedd bellach yn cynrychioli pawb yn Heddlu Gogledd Cymru. Y cymhelliad tu ôl i'r trosglwyddiad hwn yw darparu rhwydwaith mwy cynhwysol, sy'n canolbwyntio ar broblemau rhywedd sy'n effeithio ar ein holl swyddogion, staff a gwirfoddolwyr. Y nod yw annog, cynorthwyo ac ysbrydoli pawb gyrraedd eu llawn botensial a sicrhau tegwch i bawb. 

Rhwydwaith LHDT+ Heddlu Gogledd Cymru

Mae gan y rhwydwaith LHDT+ y nod o annog holl staff LHDT i gyflawni eu llawn botensial, yn broffesiynol ac yn bersonol. Mae'n cynorthwyo i godi ymwybyddiaeth am ystod o faterion penodol i Gyfeiriadedd Rhywiol a Thrawsrywiol. Mae'n rhoi'r cyfle i ddatblygu cysylltiadau proffesiynol a chymdeithasol yn y gweithle.

Strwythurau cymorth cenedlaethol yr heddlu

Yn ogystal â rhwydweithiau penodol Heddlu Gogledd Cymru, mae yna nifer o rwydweithiau cenedlaethol sy’n darparu cymorth i heddweision a staff ar bob lefel:

• National LGBT Police Network
• National Trans Police Association
• British Association of Women in Policing
• Disabled Police Association
• National Police Autism Association
• National Association of Muslim Police
• Christian Police Association
• Jewish Police Association
• Police Pagan Association
• National Black Police Association
• Gypsy Romany Traveller Association

Rydym yn gweithio’n agos â chynrychiolwyr y rhwydweithiau hyn i wneud yn siŵr bod Heddlu Gogledd Cymru’n lle positif a chefnogol i weithio.

Cydnabyddiaeth allanol

Cyflogwr Hyderus o ran Anabledd

Rydym wedi’n cydnabod fel Cyflogwr Hyderus o ran Anabledd. Mae hynny’n golygu ein bod yn anelu at recriwtio a chadw pobl anabl a phobl gyda chyflyrau iechyd, am eu sgiliau a’u talent. Rydym wedi ymrwymo i’r egwyddorion canlynol:

• Mynd ati’n fwriadol i ddenu a recriwtio pobl anabl
• Darparu proses recriwtio gwbl gynhwysol a hygyrch
• Cynnig cyfweliad i bobl anabl sy’n bodloni’r meini prawf gofynnol ar gyfer swydd (neu os na mai cyfweliad yw cam cyntaf ein proses asesu, byddwn yn rhoi’r person anabl trwy gam cyntaf y broses, os ydyn nhw’n bodloni’r meini prawf gofynnol ar gyfer y swydd)
• Hyblygrwydd wrth asesu pobl fel bod ymgeiswyr anabl yn cael y cyfle gorau i ddangos eu bod yn gallu gwneud y swydd
• Mynd ati’n fwriadol i gynnig a gwneud addasiadau rhesymol yn ôl y gofyn
• Annog ein cyflenwyr a’n cwmnïau partner i fod yn Hyderus o ran Anabledd
• Sicrhau bod gan ein gweithwyr ymwybyddiaeth briodol o gydraddoldeb anabledd

Gallwch nodi ar eich ffurflenni cais a oes angen unrhyw gymorth neu addasiadau arnoch i’ch galluogi i wneud y gwaith, neu i’ch cynorthwyo gyda’ch cais. Rydym am sicrhau, hyd y bo modd, ein bod yn cael gwared ag unrhyw rwystrau all eich atal rhag gwneud cais.

Os byddwch chi’n ymuno â ni gydag anabledd neu gyflwr meddygol, ein nod yw eich cynorthwyo i gyflawni’ch rôl yn effeithiol. Lle bo modd, byddwn yn trefnu addasiadau rhesymol er mwyn ichi allu gwneud hynny.

Wedi ymrwymo i amrywiaeth 

Pa rôl bynnag yr hoffech wneud cais amdani, rydym yn addo darparu cyfle cyfartal. Os gallwch ein helpu i greu Gogledd Cymru fwy diogel, yna rydym yn croesawu eich cais - beth bynnag yw eich oedran, credoau, anabledd, ethnigrwydd, rhyw, hil neu gyfeiriadedd rhywiol.