Gwneud cwyn uwch

Ym mis Mai 2021, gwnaeth y Gynghrair Cyfiawnder Troseddol gyflwyno cwyn uwch i Arolygaeth Heddluoedd a Gwasanaethau Tân ac Achub Ei Fawrhydi (HMICFRS) o ran defnydd yr heddlu o stopio a chwilio o dan Adran 60 Deddf Cyfiawnder Troseddol a Threfn Gyhoeddus 1994 a chraffu annibynnol holl rymoedd stopio a chwilio.

Mae awdurdodiad adran 60 yn rhoi grymoedd i'r heddlu stopio a chwilio pobl a cherbydau am "arfau ymosodol neu arfau peryglus". Mae'r grymoedd hyn ond yn berthnasol i ardal ddynodedig mewn ardal heddlu am gyfnod penodol o amser.

Mae'r Gynghrair wedi codi pryder ynghylch "craffu annigonol" o ran craffu defnydd yr heddlu o Adran 60 y Ddeddf Cyfiawnder Troseddol a Threfn Gyhoeddus, a'u defnydd o rymoedd stopio a chwilio eraill. Y grymoedd hyn ydy'r rhai hynny o dan adran 1 Deddf yr Heddlu a Thystiolaeth Droseddol 1984 (PACE) ac adran 23 Deddf Camddefnyddio Cyffuriau 1971.

Yn dilyn ymchwiliad gan HMICFRS, y Coleg Plismona, a Swyddfa Annibynnol Ymddygiad yr Heddlu (SAYH), o ran 11 o heddluoedd gwaith maes yn Lloegr, cafodd adroddiad yn cynnwys deg argymhelliad i Brif Gwnstabliaid ei gyhoeddi ym mis Rhagfyr 2023.

Mae Heddlu Gogledd Cymru'n derbyn bob un o'r argymhellion a 'da ni yn y broses o asesu ein cyflawniad ni o ran bob un o'r rhain. 'Da ni eisoes wedi datblygu ein cynllun gweithredu ni. Byddwn ni'n gweithio ar draws ein gweithlu ni, hefo'n partneriaid craffu annibynnol sefydledig a'r Coleg Plismona er mwyn ymdrin hefo'r argymhellion gafodd eu codi o fewn y ffrâm amser angenrheidiol.