Ffugiadau dwfn: Beth allwch chi ei wneud
Cynnwys:
| 1. Ynglŷn â ffugiadau dwfn |
| 2. Beth allwch chi ei wneud |
| 3. Riportio’r peth i'r heddlu |
| 4. Cymorth a chefnogaeth |
Cadw'r dystiolaeth
Casglwch y dolenni URL ble mae'r wybodaeth yn cael ei rhannu ar-lein.
Gwneud cais am dynnu’r ffugiad
Os yw'r ffugiad dwfn ohonoch chi ar wefan yn y cyfryngau cymdeithasol mae gan y rhan fwyaf ohonyn nhw ganllawiau cymunedol, sef set o reolau sy'n ymdrin â sut y caiff pobl ymddwyn ar y wefan.
Fel arfer, maen nhw’n cynnwys gwybodaeth am bethau sy ddim yn cael eu caniatáu ar eu llwyfan a'r ymddygiad a all arwain at atal cyfrifon neu eu dileu'n barhaol.
Er enghraifft, efallai y bydd ganddyn nhw bolisi ar ddynwared sy'n golygu bod y ffugiad dwfn yn groes i'r canllawiau.
Gallwch riportio unrhyw ffugiad dwfn sy'n torri’r canllawiau yn uniongyrchol i'r llwyfan cyfryngau cymdeithasol.
Mae gan y Ganolfan Seiberddiogelwch Genedlaethol ganllawiau ar sut i gadw'n ddiogel ar y cyfryngau cymdeithasol a sut i adnabod a riportio cyfrifon ffug.