Ffugiadau dwfn
A yw’n argyfwng?
Os ydych chi neu rywun arall mewn perygl uniongyrchol neu os oes angen cymorth arnoch ar unwaith, ffoniwch 999 nawr.
Os oes gennych nam ar eich clyw neu’ch lleferydd, defnyddiwch ein gwasanaeth ffôn testun 18000 neu anfonwch neges destun at 999 os ydych wedi cofrestru ymlaen llaw gyda’r gwasanaeth SMS brys.
Cynnwys:
| 1. Ynglŷn â ffugiadau dwfn |
| 2. Beth gallwch chi ei wneud |
| 3. Riportio’r peth i'r heddlu |
| 4. Cymorth a chefnogaeth |
Cynnwys sydd wedi’i greu ac wedi’i addasu’n ddigidol yw ffugiadau dwfn ac yn aml maen nhw ar ffurf delweddau, fideos a recordiadau sain ffug.
Weithiau, gall y cynnwys ffug dwfn yma edrych yn union debyg i rywun go iawn – efallai chi neu rywun rydych chi'n ei nabod.
Dyw ffugiadau dwfn ddim bob amser yn niweidiol neu’n anghyfreithlon, ond mae modd eu defnyddio nhw at ddibenion maleisus a throseddol.
Os oes rhywun wedi defnyddio’ch llun chi mewn ffugiad dwfn heb eich caniatâd neu wedi defnyddio llais neu ddelwedd neu fideo o rywun rydych chi'n ei nabod er mwyn twyllo, rydyn ni’n deall y gall hyn beri braw a gofid.
Os ydych chi'n credu eich bod chi wedi dioddef trosedd sy'n cynnwys ffugiad dwfn, neu y gallech chi fod wedi dioddef trosedd felly, mae yna bethau y gallwch eu disgwyl gan yr heddlu a ffyrdd i gael gafael ar gymorth.