Gwregysau diogelwch
Mae'n ofyniad cyfreithiol yn y Deyrnas Unedig eich bod yn gwisgo gwregys diogelwch os oes un wedi'i osod. Dim ond ychydig eithriadau sydd.
Yn 2017, doedd 27% - dros chwarter - o'r rhai fu farw mewn ceir ar y ffordd ddim yn gwisgo gwregys diogelwch.
Gallwch gael dirwy o hyd at £500 am beidio â gwisgo gwregys diogelwch.
Mae gwisgo gwregys diogelwch nid yn unig yn helpu i warchod eich diogelwch chi, mae'n helpu i ddiogelu pobl eraill hefyd.
Dim ond un person a ganiateir ym mhob sedd sydd â gwregys diogelwch. Peidiwch byth â defnyddio'r un gwregys diogelwch ar draws dau deithiwr neu fwy.
Fel teithiwr dros 14 oed, eich cyfrifoldeb chi yw sicrhau eich bod yn gwisgo gwregys diogelwch. Gallai methu â gwneud hynny arwain at ddirwy.
Cyd-deithwyr sy’n blant
Rhaid i blant dan 135cm fod yn y sedd car gywir am eu taldra a'u pwysau.
Gallwch gael dirwy o £500:
- os nad yw plentyn dan 14 oed yn y sedd car gywir
- os yw plentyn dros 135cm o daldra ac nad yw’n gwisgo gwregys diogelwch tra’ch bod yn gyrru
Darganfyddwch y gofynion ynglŷn â seddi car a gwybodaeth bellach drwy edrych ar yr adran seddi ceir plant: y gyfraith.