Cysylltwch â'ch tîm plismona lleol
Mae timau plismona lleol yn gweithio gyda'u cymunedau lleol ac ynddyn nhw er mwyn dysgu mwy am bryderon a blaenoriaethau'r bobl sy'n byw yno a gallu mynd i'r afael â'r materion hynny ar lawr gwlad. Gallan nhw ddefnyddio’u gwybodaeth arbenigol i gynnig cyngor ar atal troseddau, delio ag ymddygiad gwrthgymdeithasol, lleihau troseddau ac amddiffyn pobl sy'n agored i niwed.
Offeryn cyngor
Hoffwn awgrymu neu ofyn am sesiwn neu glinig cyswllt
Mae Sesiwn Cyswllt Cymunedol (CCS) yn gyfle wythnosol i Swyddogion Ward Penodedig gyfarfod â'u cymuned mewn man cyhoeddus ac yn bersonol i rannu gwybodaeth. Dyma amser i drafod materion, riportio troseddau a chyfleu cyngor ar atal troseddau.
Gall swyddogion hefyd gyfeirio at wasanaethau sy’n cael eu cynnig gan asiantaethau partner, a allai fod yn fwy priodol nag ymyrraeth gan yr heddlu. Bydd cyhoeddusrwydd i leoliadau'r sesiynau yn cael ei roi ar ein gwefan a thrwy'r cyfryngau cymdeithasol. Defnyddiwch y ffurflen yma os ydych yn dymuno gofyn am CCS yn eich ardal chi neu ynglŷn â thema benodol.
I gysylltu â'ch tîm plismona lleol gydag awgrym neu gais am sesiwn cyswllt cymunedol yn eich cymdogaeth chi, cliciwch ar 'Dechrau' isod i lenwi ffurflen gais.